ZTIM bokazioen garapena eta sustapena helburu

ZTIM: Zientzia, teknologia, ingeniaritza eta matematika

Mondragon Unibertsitateak, Goierri Fundazioaren eskutik  eta Gipuzkoako Foru Aldundiaren babesarekin, Goierriko MONDRAGON ZTIM HUBa abiarazi dute.

MONDRAGON ZTIM HUB, ZTIM bokazioen garapena eta sustapena helburu dituen egitasmoa da. Bailara ezberdinetako, ikastetxeen, enpresen eta gizarte eragileen arteko elkarlanaz baliatuz,  ZTIM konpetentzietan oinarritutako hezkuntza eskaintza integrala lantzea da, besteak beste, proiektu honen xede nagusia, beti ere arreta gazteengan eta bereziki emakumeengan jarriz.

MONRAGON Korporazioak  eta Mondragon Unibertsitateak sortu eta sustatutako egitasmoa izaki, Debagoienean du abiapuntua. Dagoeneko, Debagoieneko MONDRAGON ZTIM HUBaren baitan, eragileen sarea sortu eta hainbat ekintza burutu dira.

Bigarrenak berriz, Goierrin du kokalekua eta dagoeneko, Goierriko MONDRAGON ZTIM HUBaren baitan ikastetxeen sarea osatu da Goierri Fundazioarekin elkarlanean.

Lanketa honek, helburu nagusi bezala gazteen artean ZTIM bokazioen sustapena bilatzen du, bereziki emakumezkoengan. Bide horretan, ZTIM lanbideen bistaratzean, genero aurreiritzi gabeko orientazioan, ZTIM jardueratan esku hartzean eta ikastetxeetako hezkuntza proiektuetan eragin nahi du.

Goierri bailarako ikastetxe guztiei gonbidapena bidalita, lehen hastapenetan sei ikastetxek erabaki dute proiektuarekin bat egitea. Otsailean egin zen proiektuaren aurkezpena Mondragon Unibertsitateko Goierriko campusean.

Horren ondoren eta Elhuyarren eskutik, diagnosi fasea deritzona jarri zen martxan. Lehen fase honen helburua, bailarako gazteen ZTIM pertzepzioa ezagutzea izan da, baita ikastetxeen ZTIM hezkuntzaren inguruko kontzepzioak ere, gauzatzen diren praktikak eta eskola testuingurua neurtu nahi izan dira.

Zehazki, Elhuyarrek gidatutako “Goierriko gazteen pertzepzioa STEM arloetako gaien eta lanbideen inguruan” diagnosia burutu da. Guztira Goierriko 408 gaztek erantzun dute STEM arloko gaien eta lanbideen inguruko pertzepzioa aztertzeko egin den galdetegia. Parte hartu duten ikastetxeetako DBHko 3. mailako 212 ikaslek eta 4. mailako 196 ikaslek erantzun dute galdetegia.

Ondorioetatik esan daiteke genero-estereotipo tradizionalek eragina dutela gazteek zenbait gairen inguruan duten interesean. Hala, mutilek neskek baino hobeto baloratu dituzte kirolak, zientzia eta teknologia, sare sozialetako influencer-ak eta, informatika, programazioa eta robotika. Aldiz, neskek hobeto baloratzen dituzte gai sozialekin, irudi pertsonalarekin eta modarekin, eta osasunarekin lotutako gaiak.

Jarraian, irakaslegoari bideratutako  ikastetxeen ZTIM hezkuntzaren inguruko kontzepzioak ezagutzeko diagnosia ere abiatu da.

MONDRAGON ZTIM HUB gehiago

Etorkizuenean, Debagoienean sortutako sare hau Euskal Herrian hedatzea da helburua. Epe luzerako proiektu bat denez, etorkizunean, Euskal Herrian zehar hainbat MONDRAGON ZTIM HUB egongo direla espero da.

Ikus itzazu hemen honekin erlazioa duten beste berri edo notizi batzuk: ikusi

Goierriko STEAM diagnosia

mujeres con vocación STEAM participan en el programa ZTIM-HUB
logotipo de la diputación foral de gipuzkoa

©2022 GOIERRI ESKOLA. 

Contacto

Lehenbailehen erantzuten saiatuko gara - Procuraremos responder lo antes posible

Sending

Log in with your credentials

Forgot your details?